Tro di wat- snack platt

Plattdüütsch is woller modern. Wer Platt kann, kann 2 Spraken. Plattdüütsch is een Deel van de Norddüütsche Identität, van Deel von us Ammerland. Plattdüutsch is ok een Stück Heimat. 1999 hebbt se Plattdüutsch in de europäische Charta van der Regional- un Minnerheitenspraken opnahmen. Nu is Plattdüutsch ok offiziell un international een eegen Spraak un ward von de Regierung hoch holen.

Darüm weest modern un snackt Platt.

Grundschule Ofen

Timon Friedrich
Helin Öner
Eske Renneberg

Kreisentscheid in Apen

3.Platz Eske Renneberg

De „dumme“ Schoolraat

Wat weer dat fröher doch för`n Spektakel, wenn de Schoolraat to “Visitation“ keem. Man- wat weer`n de Schoolmesters upgeregt, wat weer`n se dörnanner. Dagelang vörher lepen de Vörbereitungen un de Kinner harrn lege Tieden. Utwenniglern, Afschrieven un sowat darher mössen se nu jeden Dag.

Nu weer da sowiet. De Schoolraat weer ankamen. Toeerst harr he in`t Lehrerzimmer säten un der Schoolmesters visitiert. De Kinner kemen nu an de Reeg. Klass för Klass gung de feine Herr dör.

„Guten Morgen,“ sä he, as he in Heini seine Klass keem. All Kinner stunnen up, den hogen Herrn to begröten.

De Schoolraat güng dör den Gang an de Bänk vorbi, keek de Jungs up de Fingers un sä: „Das mag ich leiden. Alle haben saubere Fingernägel. Nun will ich doch mal sehen, was ihr gelernt habt.“ He wiesde up Heini un sä: „Nenne mir mal eine zweistellige Zahl.“

As ut`e Pistol schoten, reep Heini: „Tweeundartig!“ De Schoolrat gung an de Tafel, nehm Kriede un schreev dreeuntwintig. „Nenne noch eine,“sä he un Heini bölkde inne Klasse. „Achtein!“ De Schoolraat schreev eenunachzig.

Dat weer Heini to dumm. He wurd unruhig, weil de Schoolraat de Tahlen immer umdreiht har. Dar fraag em de Schoolraat noch mal: „Kennst du noch mehr zweistellige Zahlen?“

Heini stund up un reep: „Ölben, tweeuntwintig, dreeundartig, veerunveertig, dü Dööskopp! De schriffst du doch woll sachst richtig!“

Walter Pieper